როგორც უკვე სათაურში აღვნიშნე ჯაზის სეზონი მოდის თბილისში. ოთხი თვე და ოთხი დაუვიწყარი ჯაზური საღამო თბილისის ივენთ ჰოლში. ყოველგვარი გადაჭარბების გარეშე რომ ვთქვა ჯაზის მოყვარულებს და არამარტო, Eastern Promotion-ი პატარა ჯაზ კრუიზში გვეპატიჟება რომელიც 20 თებერვალს იღებს გეზს და ერთი წლის განმავლობაში გაგრძელდება. ამ ოთხთვიანი ჯაზ სეზონის შემდეგ გემი გაემგზავრება ბათუმის ფესტივალზე, მერე ისევ დაბრუნდება თბილისის ფესტივალზე და ახალი წლის ღამეს დაასრულებს ერთ წლიან კრუიზს ისევ თბილისში. მოკლედ არ გამოტოვოთ ეს კრუიზი, არ გამოტოვოთ ის შემსრულებლები რომლებიც ესტუმრებიან თბილისს.
